ബ്രോയിലർ ചിക്കൻ

ഇറച്ചിക്ക് വേണ്ടി വളർത്തുന്ന കോഴികളാണ് ബ്രോയിലർ ചിക്കൻ. ശാസ്ത്രീയ നാമം Gallus gallus domesticus. ബാക്കി പറയുന്നതിനും മുൻപേ, സാധരണ വളർത്തുകോഴികളെ അൽപ്പം പറഞ്ഞേ പറ്റൂ. കോഴി മനുഷ്യന്റെ കൂടെ കൂടിയിട്ട് ആയിരക്കണക്കിനു വര്ഷങ്ങളായി. ചുവന്ന തരത്തിലുള്ള കാട്ടു കോഴി (ശാസ്ത്രീയ നാമം: Gallus gallus) യുടെയും, ചാര നിറത്തിലുള്ള കാട്ടുകോഴിയുടെയും (ശാസ്ത്രീയ നാമം: Gallus sonneratii) സങ്കരമാണ് സാധാരണ വളർത്തു കോഴികൾ. ഏകദേശം 8000 വർഷം മുൻപാണ് ഈ സങ്കരയിനം ഉണ്ടായത് എന്ന് ചില പഠനങ്ങൾ പറയുന്നു. പുരാതന കാലത്ത് ‘കോഴിപ്പോരിനു’ വേണ്ടിയാണ് കോഴികളെ വളർത്തിയിരുന്നത്. ഇന്ത്യൻ ഉപഭൂഖണ്ഡത്തിൽ നിന്നാണ് വളർത്തുകോഴികൾ മറ്റുസ്ഥലങ്ങളിലേക്ക് ദേശാന്തരഗമനം നടത്തിയത്.

നാട്ടുകോഴികളിൽ നിന്നും വേർതിരിച്ചെടുത്ത പ്രത്യേക ഇനം കോഴികളാണ് ബ്രോയിലർ ചിക്കൻ.

1916 ലാണ് ജീവികളുടെ വംശപാരമ്പര്യം (pedigree) നിലനിർത്തുന്ന രീതിയിലുള്ള പ്രജനനം പ്രചാരത്തിൽ ആയത്. 1923 ലാണ് Mrs Wilmer Steele എന്ന കൃഷിക്കാരി അമേരിക്കയിലെ, Delaware എന്ന സ്ഥലത്ത് ആദ്യമായി 500 സങ്കരയിനം കോഴികളെ ഇറച്ചിക്കുവേണ്ടി മാത്രമായി പരീക്ഷണാർത്ഥം വളർത്തിയത്. 1926 ആയപ്പൊളേക്കും rs Wilmer Steele ന്റെ ഫാർമിൽ പതിനായിരത്തിലധികം കോഴികൾ ആയി. ഇപ്പോൾ കാണുന്ന തരം വെള്ള കളറിൽ ഉള്ള ബ്രോയിലർ ചിക്കനുകൾ വ്യാവസായിക അടിസ്ഥാനത്തിൽ ഉണ്ടാക്കാനുള്ള നിർദ്ദേശം മുന്നോട്ടു വച്ചത് 1973

ൽ Donald Shaver ആണ്.

എന്താണ് ബ്രോയിലർ ചിക്കനുകൾ വെള്ള കളറിൽ ഇരിക്കുന്നത്?

ബ്രോയിലർ ചിക്കനുകൾ സങ്കരയിനമാണ് എന്ന് മുകളിൽ പറഞ്ഞല്ലോ? ഈ സങ്കരയിനം ഉണ്ടാക്കിയത് Plymouth Rocks എന്നയിനവും white Cornish എന്ന വേറൊരിനം കോഴിയിൽ നിന്നുമാണ് എന്നും പറഞ്ഞല്ലോ.

ഇവയിൽ നിന്നുണ്ടായ കോഴി ക്കുഞ്ഞുങ്ങൾ വെളുത്താന് ഇരിക്കുന്നത്.

ഈ സങ്കരയിനം കോഴികളുടെ പ്രത്യേകത വളരെക്കുറഞ്ഞ സമയം കൊണ്ടും, കുറച്ച് ആഹാരം കൊണ്ടും ധാരാളം ഇറച്ചി ഉൽപ്പാദിപ്പിക്കാൻ ശേഷിയുള്ളവയാണ്. പുതു തലമുറ കോഴികളെ കൃത്രിമ ബീജ സങ്കലനം നടത്തിയാണ് ബ്രോയിലർ ചിക്കനുകൾക്കു വേണ്ട മുട്ടകൾ ഉണ്ടാക്കുന്നത്.

ഏകദേശം ഒരു മാസത്തിനകം തന്നെ ഇവയ്ക്ക് ഒന്നര കിലോയോളം തൂക്കം വരും. സാധാരണ നാടൻ കോഴിക്ക് ഏകദേശം നാലുമാസം എടുക്കും ഈ അളവിൽ തൂക്കം വരാൻ.

ബ്രോയിലർ കോഴികൾ ഏകദേശം മുപ്പത്തി അഞ്ചിനും അമ്പതു ദിവസത്തിനും ഇടയിൽ ഇറച്ചിക്കായി ഉപയോഗിക്കാം.

അപ്പോൾ ഏതു കോഴിയാണ് കൂടുതൽ ഉത്തമം, നാട്ടു കോഴിയോ (Free range) ബ്രോയിലർ ചിക്കാനോ?

ധാരാളം കാറ്റും വെളിച്ചവും കൊണ്ടു പതിയെ വളരുന്ന നാടൻ കോഴികൾ തന്നെ കൂടുതൽ ഉത്തമവും, രുചികരവും. എന്നിരുന്നാലും സാമ്പത്തികമായി നോക്കിയാൽ ബ്രോയിലർ ചിക്കൻ തന്നെ ലാഭകരം.

1950 കളിൽ ത്തന്നെ അമേരിക്കയിൽ ബ്രോയിലർ ചിക്കനിൽ ഉള്ള ഹോർമോൺ കുത്തിവയ്പ്പു നിരോധിച്ചതാണ്.

പക്ഷെ, അവയുടെ ചെറിയ ജീവിത കാലയളവിൽ രോഗപ്രതിരോധ ശേഷി ഉണ്ടാക്കിയെടുക്കുക അസാദ്ധ്യമാണ് എന്ന് പറയേണ്ടതില്ലല്ലോ? ആയതിനാൽ ഇവയ്ക്ക് പലതരത്തിലുള്ള രോഗ പ്രതിരോധ കുത്തിവയ്‌പ്പുകൾ (vaccination) എടുകേണ്ടിയതായി വരും..

ബ്രോയിലർ ചിക്കനുകളിൽ മാരകമായ അളവില് കാഡ് മിയം, ക്രോമിയം, കറുത്തീയം തുടങ്ങിയവയുടെ അംശം അടങ്ങിയിട്ടുണ്ട്  ഇനിപരീക്ഷിക്കപ്പെട്ട കോഴികളിൽ മുകളിൽ പറഞ്ഞ മൂലകങ്ങൾ കണ്ടെത്തിയാൽ അത്, ഈ മൂലകങ്ങൾ അടങ്ങിയ വില കുറഞ്ഞ കോഴിത്തീറ്റയിൽ നിന്നാവാം, കോഴിയിൽ എത്തിയത്. സാധാരണ ആരോഗ്യകമായ സാഹചര്യങ്ങളിൽ ഇങ്ങനെ ‘ഹെവി മെറ്റൽസ്’ കലരാൻ ഒരു സാദ്ധ്യതയും ഇല്ല എന്നു തന്നെ പറയാം.

ബ്രോയ്‌ലർ ചിക്കൻ നാടൻ ചിക്കനെ അപേക്ഷിച്ചു വളരെ അനാരോഗ്യം ഉള്ളവ എന്ന് വായിച്ചല്ലോ?

ഇത് ശരിയാണ്. ഇവയുടെ കാലുകൾക്ക് ബലക്കുറവുണ്ട്. പെട്ടെന്നുള്ള വളർച്ച കാരണം ഇവയുടെ ഹൃദയവും രക്തധമനികളും പ്രവര്‍ത്തനക്ഷമമല്ലാതെ ആവാനുള്ള സാദ്ധ്യത കൂടുതൽ ആണ്.

എന്നിരുന്നാലും ബന്ധപ്പെട്ട അധികാരികൾ ഫാമുകൾ വൃത്തിയുള്ളതാണോ, അനാരോഗ്യകരമായ തീറ്റ ഇവയ്ക്ക് കൊടുക്കുന്നുണ്ടോ, അനിയന്ത്രതമായി അളവിൽ ആന്റിബയോട്ടിക്കുകൾ, മറ്റു മരുന്നുകൾ കൊടുക്കുന്നുണ്ടോ വേണ്ടത്ര വെള്ളവും വെളിച്ചവും ഇവയ്ക്ക് ലഭ്യമാണോ എന്നതൊക്കെ നിശ്ചിത ഇടവേളകളിൽ അന്വേഷണ വിധേയമാക്കണം.

ചിക്കന്‍ വിഭവങ്ങളും ഇല്ലാത്ത ഒരു ദിവസത്തെ കുറിച്ച് ചിന്തിക്കാന്‍ പോലും ഇന്നത്തെ തലമുറക്ക് ആകില്ല. ഫാസ്റ്റ് ഫുഡ് സംസ്‌കാരത്തിന്റെ ഭാഗമായി ബ്രോയ്‌ലര്‍ ചിക്കന്‍ തീന്‍ മേശകളില്‍ എത്തിയിട്ട് കാലമേറെയായി. എന്നാല്‍ വ്യാവസായിക അടിസ്ഥാനത്തില്‍ ഇറച്ചിക്ക് വേണ്ടി മാത്രമായി വളര്‍ത്തുന്ന ബ്രോയ്‌ലര്‍ കോഴികള്‍ അത്ര നിസ്സാരക്കാരല്ല. അമിതമായി ഉപയോഗിച്ചാല്‍ നിങ്ങളെ ഒരു നിത്യ രോഗിയാക്കാന്‍ മറ്റ് കാര്യങ്ങള്‍ വേറൊന്നും വേണ്ട.

ഇന്ത്യയില്‍ എത്‌നിക് ഹെല്‍ത്ത് കോര്‍ട്ട് നടത്തിയ പഠനത്തില്‍ , തമിഴ്‌നാട്ടില്‍ നിന്നും കേരളത്തിലേക്കെത്തുന്ന ബ്രോയ്‌ലര്‍ കോഴികള്‍ ജീവനുള്ള വെറും മാംസപിണ്ഡങ്ങള്‍ മാത്രമാണെന്ന് തെളിഞ്ഞിട്ടുണ്ട്. പ്രത്യേക ഹോര്‍മോണുകള്‍ കുത്തിവച്ചാണ് ബ്രോയ്‌ലര്‍ കോഴികളെ വളര്‍ത്തിയെടുക്കുന്നത്.

മുട്ട വിരിഞ്ഞ് പുറത്തിറങ്ങുന്ന കോഴിക്കുഞ്ഞിന് 14 ദിവസം പ്രായമാകുമ്പോള്‍ ഇവയുടെ തൊലിക്കടിയില്‍ ആദ്യ കുത്തിവയ്പ്പ് നടത്തും. കാളയുടെ കൊഴുപ്പ്, ഈസ്ട്രജന്‍ ഹോര്‍മോണ്‍, ചില കെമിക്കല്‍ സ്റ്റിമുലന്റ്‌സ് എന്നിവ ചേര്‍ത്താണ് കുത്തിവയ്പ്പ് നടത്തുന്നത്. ഈ കുത്തിവയ്പ്പ് ലഭിക്കുന്നതോടെ കോഴിക്കുഞ്ഞുങ്ങള്‍ രണ്ടാഴ്ചകൊണ്ട് ബലൂണ്‍ പോലെ വീര്‍ക്കും. ഇത്തരത്തില്‍ തൂക്കം വയ്ക്കുന്ന കോഴികള്‍ക്ക് ശരിയായ വിധത്തില്‍ നടക്കാനോ പറക്കാനോ ഉള്ള കഴിവുണ്ടാകില്ല. 20 മുതല്‍ 30 ദിവസം വരെ പ്രായമായ കോഴിക്ക് 3 മുതല്‍ 4 കിലോ വരെ തൂക്കമുണ്ടാകും.

30 ദിവസം പ്രായമാകുമ്പോള്‍ അവയെ അറുത്ത് വില്‍ക്കും. 45 ദിവസത്തിനപ്പുറം ബ്രോയ്‌ലര്‍ കോഴികള്‍ക്ക് ആയുസ്സുണ്ടാകില്ല എന്നും പഠനം വ്യക്തമാക്കുന്നു. കാരണം, 45 ദിവസം കഴിഞ്ഞാല്‍ ഈസ്ട്രജന്റെ വീര്യം കുറഞ്ഞ് ഇവ ചത്തു പോകുന്നു. ബ്രോയ്‌ലര്‍ ചിക്കന്റെ അമിതോപയോഗം ഭാവിയില്‍ പ്രത്യുല്പാദന സംബന്ധമായ തകരാറുകള്‍ക്ക് നിദാനമകുമെന്നും എത്‌നിക് ഹെല്‍ത്ത് കോര്‍ട്ട് നടത്തിയ പഠനം വ്യക്തമാക്കുന്നു.

ബ്രോയിലര്‍ കോഴിയുടെ ആയുസ്സ് വെറും 45 ദിവസം മാത്രം !

സസ്യാഹാരികളേക്കാൾ ഏറെ മാംസാഹാരികൾ ഉള്ള സ്ഥലമാണ് കേരളം. പോരാത്തതിന് , ഫാസ്റ്റ് ഫുഡ്‌ സംസ്കാരവും. അത് കൊണ്ട് തന്നെ, ബ്രോയിലർ കോഴികൾ ഇന്ന് മലയാളികളുടെ ഭക്ഷ്യ സംസ്കാരത്തിന്റെ ഭാഗമാണ്. അത് കൊണ്ട് ഉണ്ടാകുന്ന ആരോഗ്യ പ്രശ്നങ്ങളും കുറവല്ല. എന്നിരുന്നാലും, മലയാളികൾ ബ്രോയിലർ കോഴി വേണ്ട എന്ന് വയ്ക്കില്ല.

സാധാരണ നാടൻ കോഴികളിൽ നിന്നും വ്യത്യസ്തമായി, ഇറച്ചിക്കായി മാത്രം വളർത്തുന്ന ബ്രോയിലർ കോഴികളുടെ പരമാവധി ആയുസ്സ് എത്രെയെന്നു അറിയാമോ? വെറും 45 ദിവസം. ഈ 45 ദിവസത്തിനുള്ളിലാണ് കോഴി വളർന്നു വലുതായി 3-4 കിലോ തൂക്കം വയ്ക്കുന്നത്. എത്‌നിക് ഹെല്‍ത്ത് കോര്‍ട്ട് എന്ന വെബ്‌സൈറ്റ് ആണ് ഇക്കാര്യം പഠന രൂപേണ പ്രസിദ്ധീകരിച്ചിരിക്കുന്നത്. അവരുടെ പഠനത്തില്‍ വ്യക്തമായത് തമിഴ്‌നാട്ടില്‍ നിന്നും കേരളത്തിലേക്കെത്തുന്ന ബ്രോയ്‌ലര്‍ കോഴികള്‍ ജീവനുള്ള വെറും മാംസപിണ്ഡങ്ങള്‍ മാത്രമാണെന്നാണ്.

മുട്ട വിരിഞ്ഞ ശേഷം പ്രത്യേക ഹോര്‍മോണുകള്‍ കുത്തിവച്ചാണ് ബ്രോയ്‌ലര്‍ കോഴികളെ വളര്‍ത്തിയെടുക്കുന്നതു . കോഴിക്കുഞ്ഞിന് 14 ദിവസം ആകുമ്പോള്‍ ഇവയുടെ തൊലിക്കടിയില്‍ ആദ്യത്തെ കുത്തിവെപ്പ് നടത്തുമത്രേ. കാളയുടെ കൊഴുപ്പ്, ഈസ്ട്രജന്‍ ഹോര്‍മോണ്‍, ചില കെമിക്കല്‍ സ്റ്റിമുലന്റ്‌സ് എന്നിവ ചേര്‍ത്ത മിശ്രിതം ആണ് കുത്തിവെക്കുക.ഈ മിശ്രിതം ശരീരത്തിൽ ചെല്ലുന്നതോടെ കോഴി കുഞ്ഞുങ്ങൾ വലുപ്പം വയ്ക്കാൻ തുടങ്ങും.പിന്നെ, , രണ്ടാഴ്ച കൊണ്ട് 3-4 കിലോ തൂക്കം വയ്ക്കും. ഇവക്ക് പറക്കാനോ, എന്തിനേറെ ശെരിയായി നടക്കാന്‍ പോലും കഴിവുണ്ടാകില്ലത്രേ.

കൊഴിഉകലുദെ ശരീരത്തിൽ കുത്തി വയ്ക്കുന്ന ഈ മിശ്രിതം മനുഷ്യ ശരീരത്തിന് ഏറെ ദോഷം ചെയ്യും. അതാണ് നമ്മള്‍ ബ്രോസ്റ്റ്, ഷവര്‍മ്മ എന്നൊക്കെ പേരിട്ടു വിളിച്ചു ആക്രാന്തത്തില്‍ അകത്താക്കുന്നത്. 45 ദിവസം കഴിഞ്ഞാല്‍ ഈസ്ട്രജന്റെ വീര്യം കുറഞ്ഞ് ഇവ ചത്തു പോകുന്നു. ബ്രോയ്‌ലര്‍ ചിക്കന്റെ അമിതോപയോഗം ഭാവിയില്‍ പ്രത്യുല്പാദന സംബന്ധമായ തകരാറുകള്‍ക്ക് കാരണമാകുമെന്നും പഠനം വ്യക്തമാക്കുന്നു, മാത്രമല്ല ഇവയുടെ ഉപയോഗം കാന്‍സര്‍ പോലുള്ള മാരക രോഗങ്ങളെയാണ് ക്ഷണിച്ചു വരുത്തുകയും ചെയ്യുന്നു.

ബ്രോയിലർ ചിക്കൻ കഴിക്കുന്നവരുടെ ശരീരത്തിൽ മരുന്നുകൾ ഫലിക്കാതാകുന്നു 

കോഴിയിറച്ചി തിന്നത്തവരായി അധികം പേർ കാണില്ല, പല വെറൈറ്റിയിൽ എത്തുന്ന ചിക്കൻ ആരോഗ്യം തകർക്കുന്നതിൽ ഒരു മുഖ്യ പങ്കു വഹിക്കുന്നുണ്ട് എന്ന് എത്ര പറഞ്ഞാലും, ചിക്കൻ ഉപേക്ഷിക്കാൻ മലയാളികൾക്ക് വിഷമമാണ്. നാടൻ കോഴി അത്രതന്നെ പ്രശ്‌നക്കാരനല്ല, എന്നാൽ നാടൻ കോഴിക്ക് പകരം പലപ്പോഴും തീൻ മേശയിൽ എത്തുന്നത്, ബ്രോയിലർ കോഴികളാണ്. ഹോർമോണുകൾ കുത്തി വച്ച് വളരെ കുറച്ചു ദിവസത്തിനുള്ളിൽ വളർന്നു വലുതാകുന്ന ഇത്തരം കോഴികൾ നിങ്ങളുടെ ശരീരത്തിലെ ഹോർമോണ്‍ നിലയെ തകരാറിലാക്കും.

മാത്രമല്ല ,ബ്രോയിലർ കോഴികളില്‍ വ്യാപകമായി ഉപയോഗിക്കുന്ന ആന്റിബയോട്ടിക്കുകള്‍ മനുഷ്യന്റെ പ്രതിരോധശേഷി നഷ്ടപ്പെടുത്തുകയും ചെയ്യുന്നു. ന്യൂഡല്‍ഹിയിലെ സെന്റര്‍ ഫോര്‍ സയന്‍സ് ആന്‍ഡ് എന്‍വയോണ്‍മെന്റ്(സി.എസ്.ഇ)യാണ് ഇതുസംബന്ധിച്ച റിപ്പോര്‍ട്ട് പുറത്തുവിട്ടത്.

അമിതമായ അളവിൽ ചിക്കൻ അകത്താക്കുന്ന രാജ്യത്തെ പല രോഗികളിലും ആന്റിബയോട്ടിക്കുകള്‍ ശരിയായി ഫലിക്കുന്നില്ലെന്ന് കഴിഞ്ഞ പത്തു വര്‍ഷത്തിനിടെ നടന്ന പല പഠനങ്ങളും കണ്ടെത്തിയിരുന്നു. മനുഷ്യനിൽ വിവിധ രോഗങ്ങളിൽ ചികിത്സയ്ക്കായി ഉപയോഗിക്കുന്ന ആന്റിബയോട്ടിക്ക് മരുന്നുകളാണ് ഇപ്പോൾ വ്യാവസായികാടിസ്ഥാനത്തിൽ കോഴികളെ വളർത്തുന്നതിനായി ഉപയോഗിക്കുന്നത്. കുറഞ്ഞസമയത്തിനകം അസുഖങ്ങൾ ഒന്നും ഇല്ലാതെ, കോഴി വളര്‍ച്ച പ്രാപിക്കുമെന്നതാണ് ഇതിന്റെ നേട്ടം.