മലപ്പുറം ജില്ലയിൽ നാളെ മുതൽ ഹാർബറുകൾ പ്രവർത്തിക്കാൻ അനുമതി. പൊന്നാനി, താനൂർ ഹാർബറുകൾക്കും, പടിഞ്ഞാറേക്കര, കൂട്ടായി, തേവർ കടപ്പുറം, ചാപ്പപ്പടി ലാൻഡിങ് സെന്ററുകളിലും മാത്രമേ മത്സ്യ വിൽപ്പന പാടുള്ളൂ. ഹാർബർ പ്രവർത്തനത്തിന് കർശന നിർദ്ദേശങ്ങളാണ് നൽകിയിട്ടുള്ളത്.
ഒറ്റ ഇരട്ട അക്ക രജിസ്‌ട്രേഷനോട് കൂടിയ മത്സ്യബന്ധന യാനങ്ങൾ ഒന്നിടവിട്ട ദിവസങ്ങളിൽ മാത്രം മത്സ്യബന്ധനത്തിന് അനുവദിക്കും. അന്യ ജില്ലയിൽ നിന്നുള്ള യാനങ്ങൾക്ക് ലാന്റിംഗ് അനുമതിയില്ല. ചില്ലറ വിൽപ്പന പാടില്ല.
രാവിലെ 7 മുതൽ 2 വരെ മാത്രമേ വിൽപ്പന പാടുള്ളു. ടോക്കൺ നൽകുന്നതിനും തിരക്ക് നിയന്ത്രിക്കുന്നതിനും തദ്ദേശ സ്ഥാപനങ്ങൾ വളണ്ടിയർമാരെ നിയോഗിക്കണമെന്നും നിർദ്ദേശം നൽകിയിട്ടുണ്ട്.
0 Comments