24 മണിക്കൂറിനിടെ രാജ്യത്ത് 39,796 പുതിയ കോവിഡ് കേസുകള്‍; ഏറ്റവുമധികം കേരളത്തില്‍ തന്നെ
കഴിഞ്ഞ 24 മണിക്കൂറിനിടെ രാജ്യത്ത് 39796 പേർക്ക് പുതുതായി കോവിഡ് സ്ഥിരികരിച്ചു. 12,100 കേസുകൾ റിപ്പോർട്ട് ചെയ്ത കേരളത്തിലാണ് ഒരു ദിവസത്തിനിടെ ഏറ്റവും കൂടുതൽ കേസുകൾ റിപ്പോർട്ട് ചെയ്യപ്പെട്ടിട്ടുള്ളത്. മഹാരാഷ്ട്ര, തമിഴ്നാട്, ആന്ധ്രപ്രദേശ്, ഒഡീഷ എന്നീ സംസ്ഥാനങ്ങളാണ് കേരളത്തിന് പിന്നിലുള്ളത്.
723 കോവിഡ് മരണങ്ങളും കഴിഞ്ഞ ഒരു ദിവസത്തിൽ രാജ്യത്ത് സ്ഥിരീകരിക്കപ്പെട്ടിട്ടുണ്ട്. ഇന്ത്യയിൽ ഇതുവരെ 3.05 കോടിയോളം പേർക്കാണ് കോവിഡ് ബാധിച്ചത്. ഇതിൽ 4,82,071 പേരാണ് നിലവിൽ ചികിത്സയിലുള്ളത്. തുടർച്ചയായ കഴിഞ്ഞ 53 ദിവസങ്ങളിലായി രാജ്യത്ത് ദിനംപ്രതിയുള്ള കോവിഡ് മുക്തരുടെ എണ്ണം കോവിഡ് ബാധിതരുടെ എണ്ണത്തേക്കാൾ കൂടുതലാണ്.
പ്രതിദിന പോസിറ്റിവിറ്റി നിരക്ക് 2.61 ശതമാനമാണ് നിലവിൽ. കഴിഞ്ഞ 28 ദിവസമായി രാജ്യത്ത് അഞ്ച് ശതമാനത്തിന് താഴെയാണ് ടെസ്റ്റ് പോസിറ്റിവിറ്റി നിരക്ക്. അതേ സമയം കേരളത്തിൽ പത്തിന് മുകളിൽ തന്നെയാണ് കഴിഞ്ഞ കുറച്ചു ദിവസങ്ങളായിട്ടുള്ള ടി.പി.ആർ.
രാജ്യത്ത് ആകെ കോവിഡ് ബാധിച്ച് മരിച്ചവരുടെ എണ്ണം 4.02 ലക്ഷമാണെന്നും ആരോഗ്യ മന്ത്രാലയം പറയുന്നു.
അതേസമയം മൊഡേണ വാക്‌സിന്‍ ഈ ആഴ്ച തന്നെ ഇന്ത്യയിലെത്തുമെന്നാണ് റിപ്പോര്‍ട്ടുകള്‍. ജൂലൈ 15 മുതല്‍ സര്‍ക്കാര്‍ ആശുപത്രികളിലും മൊഡേണ ലഭ്യമാകുമെന്നാണ് സൂചന. 15,22,504 സാമ്പിളുകളാണ് കഴിഞ്ഞ ദിവസം പരിശോധിച്ചത്. 15,22,504 പേരാണ് ഇതിനോടകം കൊവിഡ് വാക്‌സിന്‍ സ്വീകരിച്ചതെന്ന് കേന്ദ്ര ആരോഗ്യ മന്ത്രാലയം അറിയിച്ചു.
0 Comments