നോർഡ് 2; വൺപ്ലസിൻ്റെ പുത്തൻ ഫോണിനെപ്പറ്റി, ഒന്ന് നോക്കാം!!!

കഴിഞ്ഞ വർഷം ജൂണിൽ വൺപ്ലസ് അവതരിപ്പിച്ച നോർഡിനെ സമഗ്രമായി പരിഷ്കരിച്ചാണ് നോർഡ് 2നെ വിപണിയിലെത്തിച്ചിരിക്കുന്നത്. കൂടുതൽ ഫീച്ചറുകളുമായി വില്പനക്കെത്തിയിരിക്കുന്ന നോർഡ് 2വിന് വിലയും കൂടുതലാണ്.

ഹൈലൈറ്റ്:

6 ജിബി റാം പതിപ്പ് ബ്ലൂ ഹെയ്‌സ് നിറത്തിൽ മാത്രമാണ് വാങ്ങാനാവുക.

90Hz റിഫ്രഷ് റേറ്റും എച്ഡിആർ10+ സർട്ടിഫിക്കേഷനുമുള്ള 6.43-ഇഞ്ച് അമോലെഡ് ഡിസ്‌പ്ലേ.

50 മെഗാപിക്സൽ സോണി IMX766 പ്രൈമറി ക്യാമെറയാണ് നോർഡ് 2വിൽ.

ഹൈലൈറ്റ്സിനായി ആപ്പ്.

ചൈനീസ് സ്മാർട്ട്ഫോൺ ബ്രാൻഡ് വൺപ്ലസ് അടുത്തിടെയാണ് നോർഡ് 2 വിപണിയിലെത്തിച്ചത്. കഴിഞ്ഞ വർഷം ജൂണിൽ വൺപ്ലസ് അവതരിപ്പിച്ച നോർഡിന്റെ പിൻഗാമിയാണ് നോർഡ് 2. അതുകൊണ്ട് തന്നെ നോർഡിനെ അടിമുടി പരിഷ്കരിച്ച മോഡൽ എന്ന് നോർഡ് 2നെ പറയാം. കൂടുതൽ ഫീച്ചറുകളുമായി വില്പനക്കെത്തിയിരിക്കുന്ന നോർഡ് 2വിന് വിലയും കൂടുതലാണ്. നോർഡ് 2നെ വിശദമായി പരിചയപ്പെടാം.

റാം + സ്റ്റോറേജ്, വില - 6 ജിബി റാം + 128 ജിബി സ്റ്റോറേജ് പതിപ്പിന് 27,999 രൂപ, 8 ജിബി റാം + 128 ജിബി സ്റ്റോറേജ് പതിപ്പിന് 29,999 രൂപ, 12 ജിബി റാം + 256 ജിബി സ്റ്റോറേജ് പതിപ്പിന് 34,999 എന്നിങ്ങനെയാണ് നോർഡ് 2വിന്റെ വില. ഇതിൽ 6 ജിബി റാം പതിപ്പിന്റെ വില്പന ആരംഭിച്ചിട്ടില്ല.

നിറങ്ങൾ - 6 ജിബി റാം പതിപ്പ് ബ്ലൂ ഹെയ്‌സ് നിറത്തിൽ മാത്രമാണ് വാങ്ങാനാവുക. 8 ജിബി റാം, 12 ജിബി റാം മോഡലുകൾ ബ്ലൂ ഹെയ്‌സ്, ഗ്രേ സിയറ നിറങ്ങളിൽ വാങ്ങാം. ഇത് കൂടാതെ 12 ജിബി റാം മോഡൽ മാത്രം ഗ്രീൻ വുഡ്‌സ് എന്ന നിറത്തിലും ലഭ്യമാണ്.

ഡിസ്പ്ലേ - 90Hz റിഫ്രഷ് റേറ്റും എച്ഡിആർ10+ സർട്ടിഫിക്കേഷനുമുള്ള 6.43-ഇഞ്ച് അമോലെഡ് ഡിസ്‌പ്ലേ. 20:9 ആസ്പെക്ട് റേഷ്യോ, 2400×1080 പിക്‌സൽ റസല്യൂഷൻ, 410ppi പിക്സൽ ഡെൻസിറ്റി എന്നിവ ഈ ഡിസ്‌പ്ലേയ്ക്കുണ്ട്.

പ്രോസസസ്സർ - മീഡിയടെക് ഡിമെൻസിറ്റി 1200 SoC പ്രോസസറിന്റെ ചെറിയ രീതിയിൽ മാറ്റം വരുത്തിയ മീഡിയടെക് ഡിമെൻസിറ്റി 1200-എഐ SoC ആണ് നോർഡ് 2ന്റെ ഹൃദയം. സ്നാപ്പ്ഡ്രാഗൺ പ്രൊസസ്സറിന് പകരം മീഡിയടെക് പ്രോസസ്സർ ഉപയോഗിച്ച് വില്പനക്കെത്തിയ ആദ്യ വൺപ്ലസ് ഫോണാണ് നോർഡ് 2.

ഓപ്പറേറ്റിംഗ് സിസ്റ്റം - ആൻഡ്രോയിഡ് 11 അടിസ്ഥാനമായ ഓക്‌സിജൻ ഒഎസ് 11 ആണ് നോർഡ് 2ന്റെ ഓപ്പറേറ്റിംഗ് സിസ്റ്റം.

കാമറ - 50 മെഗാപിക്സൽ സോണി IMX766 പ്രൈമറി ക്യാമെറയാണ് നോർഡ് 2വിൽ. കൂടുതൽ കൃത്യതയുള്ള ചിത്രങ്ങളും വിഡിയോകളും പകർത്താൻ ഒപ്റ്റിക്കൽ ഇമേജ് സ്റ്റെബിലൈസേഷൻ (ഒഐഎസ്) ഫീച്ചർ ഈ സെൻസറിൽ ഉൾപെടുത്തിയിട്ടുണ്ട്. 8 മെഗാപിക്‌സൽ അൾട്രാ-വൈഡ്-ആംഗിൾ ലെൻസ് (119.7-ഡിഗ്രി ഫീൽഡ് ഓഫ് വ്യൂ), 2 മെഗാപിക്‌സൽ മോണോ ലെൻസ് എന്നിവയാണ് ട്രിപ്പിൾ പിൻ ക്യാമറയിലെ ബാക്കിയുള്ള ലെൻസുകൾ. 32 മെഗാപിക്‌സലിന്റെ സെൽഫി ക്യാമറയും വൺപ്ലസ് നോർഡ് 2ൽ ഇടം പിടിച്ചിട്ടുണ്ട്.

ബാറ്ററി - 65W വാർപ്പ് ചാർജിംഗിനെ പിന്തുണയ്ക്കുന്ന 4,500 എംഎഎച്ച് ഡ്യുവൽ സെൽ ബാറ്ററിയാണ് വൺപ്ലസ് നോർഡ് 2വിൽ. വെറും 15 മിനിറ്റിൽ ഒരു ദിവസം മുഴുവൻ ഫോൺ പ്രവർത്തിക്കാനാവശ്യമായ ബാറ്ററി ചാർജ് ചെയ്യാം എന്നാണ് വൺപ്ലസിന്റെ അവകാശവാദം.

കണക്ടിവിറ്റി - 5ജി , 4 ജി എൽടിഇ, വൈ-ഫൈ 6, ബ്ലൂടൂത്ത് വി 5.2, ജിപിഎസ് / എ-ജിപിഎസ് / നാവിക്, എൻ‌എഫ്‌സി, യു‌എസ്ബി ടൈപ്പ്-സി പോർട്ട് എന്നിവയാണ് ഫോണിലെ കണക്ടിവിറ്റി ഓപ്ഷനുകൾ.

OnePlus Nord 2 സ്പെസിഫിക്കേഷനുകള്‍

പെർഫോമൻസ് MediaTek Dimensity 1200

ഡിസ്പ്ലേ 6.43 inches (16.33 cm)

സ്റ്റോറേജ് 128 GB

ക്യാമറ 50 MP + 8 MP + 2 MP

ബാറ്ററി 4500 mAh

price_in_india 27999

റാം 6 GB