സ്വന്തം പേരിൽ എത്ര സിം കാര്‍ഡുണ്ട്? ഒറ്റ ക്ലിക്കിൽ അറിയാം

ഇപ്പോൾ നിലവിൽ ഇല്ലാത്തതും, ഉയോഗിക്കുന്നതുമൊക്കെയായി സ്വന്തം പേരിൽ എത്ര സിം കാര്‍ഡ് ഉണ്ട്? പഴയ നമ്പര്‍ ഇപ്പോൾ ആരാണ് ഉപയോഗിക്കുന്നത്. ഈ വിവരങ്ങൾ എല്ലാം ഒറ്റ ക്ലിക്കിൽ ട്രാക്ക് ചെയ്യാം.

ഡൽഹി : ഒന്നിലധികം നെറ്റ് വര്‍ക്കുകളിലെ സിം കാര്‍ഡുകൾ പരീക്ഷിച്ചിട്ടുള്ളവരാണ് മിക്കവരും. പഴയ സിം കാര്‍ഡുകളിൽ ചിലതൊന്നും ഇപ്പോൾ ഉപയോഗത്തിലുമില്ല. എന്നാൽ മാറ്റാരെങ്കിലും ഇത് ഉപയോഗിക്കുന്നുണ്ടോ. സ്വന്തം പേരിൽ എത്ര സിം കാര്‍ഡുകൾ നിലവിൽ ഉണ്ട്. ഇതെല്ലാം ഒറ്റ ക്ലിക്കിൽ ഇപ്പോൾ അറിയാം.

ടെലികമ്മ്യൂണിക്കേഷൻസ് മന്ത്രാലയം ഇതിനായി ടിഎഎഫ്സിഒപി എന്ന പോർട്ടൽ ആണ് ആരംഭിച്ചത് ടെലികോം അനലിറ്റിക്സ് ഫോർ ഫ്രോഡ് മാനേജ്‌മെൻറ് ആൻഡ് കൺസ്യൂമർ പ്രൊട്ടക്ഷൻ എന്നകാണ് ചുരുക്കം. ഉപയോക്താക്കൾക്ക് സ്വന്തം പേരിലെ കണക്ഷനുകൾ അറിയാൻ ഈ പ്ലാറ്റ്‍ഫോം ഉപയോഗിക്കാം. ഒൻപതിലധികം ഒന്നിലധികം കണക്ഷനുകൾ ഉണ്ടെങ്കിൽ എസ്എംഎസ് മുഖേന ഇത് സിം ഉപയോക്താക്കളെ അറിയിക്കും. പോർട്ടൽ സന്ദർശിച്ച് ഉപയോഗിക്കാത്തതും ആവശ്യമില്ലാത്തതു ആയ നമ്പറുകൾ റിപ്പോർട്ടു ചെയ്യാം. ടെലികോം സേവന ദാതാക്കൾ തന്നെ ഈ നമ്പറുകൾ നിർജ്ജീവമാക്കും.

പഴയ നമ്പറുകൾ തുടര്‍ച്ചയായി ഉപയോഗിക്കാതെ വരുമ്പോൾ ടെലികോം സേവന ദാതാക്കൾ മറ്റ് പലര്‍ക്കും നൽകി അവര്‍ ഉപയോഗിക്കാറുണ്ട്. ഇത് തടയാൻ ഈ പ്ലാറ്റ്‍ഫോം സഹായകരമാകും.സ്വന്തം പേരിൽ രജിസ്റ്റര്‍ ചെയ്യാത്ത സിമ്മുകൾ ആരെങ്കിലും ഉപയോഗിക്കുന്നുണ്ടെങ്കിലും തിരിച്ചറിയാൻ ആകും.

TAFCOP വെബ്‌സൈറ്റ് തുറന്ന് മൊബൈൽ നമ്പർ നൽകാം. ഒടിപി ഉപയോഗിച്ച് ഈ നമ്പര്‍ പരിശോധിക്കാം. പോർട്ടലിൽ ഓരോരുത്തരുടെയും ഐഡിയിൽ രജിസ്റ്റർ ചെയ്തിട്ടുള്ള മൊബൈൽ നമ്പറുകളുടെ പട്ടിക ലഭ്യമാണ്. സ്വന്തം പേരിൽ ഇല്ലാത്ത നമ്പറുകൾ കണ്ടെത്തിയാൽ, വെബ്സൈറ്റിൽ റിപ്പോർട്ട് ചെയ്യാം.പഴയ നമ്പറുകൾ കളയേണ്ട ഉപയോഗിക്കണമെങ്കിൽ പ്രത്യേകിച്ച് ഒന്നും ചെയ്യേണ്ടതില്ല.

ഒരിക്കൽ റിപ്പോർട്ട് നൽകിയാൽ, ടെലികോം വകുപ്പ് തന്നെ ഒരു എസ്എംഎസ് അയയ്ക്കും, അതിലൂടെ സ്വന്തം പേരിൽ പ്രവർത്തിക്കുന്ന മൊബൈൽ കണക്ഷനുകളുടെ എണ്ണം മനസ്സിലാക്കാൻ ആകും. ഇത് ട്രാക്കുചെയ്യാൻ കഴിയുന്ന ടിക്കറ്റ് ഐഡികളും ഉപഭോക്താക്കൾക്ക് നൽകും. മൊബൈൽ സിം കാർഡുകൾ നിയമവിരുദ്ധമായി ദുരുപയോഗം ചെയ്യുന്നത് വര്‍ദ്ധിക്കുന്നതിനാലാണ് പുതിയ സേവനവുമായി ടെലികോം വകുപ്പ് എത്തുന്നത്. നിലവിൽ, തെലങ്കാന, ആന്ധ്രപ്രദേശ്, മഹാരാഷ്ട്ര, കർണാടക എന്നിവിടങ്ങളിൽ നമ്പറുകൾ ട്രാക്ക് ചെയ്യാം. ഉടൻ തന്നെ മറ്റ് സർക്കിളുകളിലും സേവനം ലഭിക്കും.

Website Link- https://tafcop.dgtelecom.gov.in/