ഇ-മെയില്‍ ഉപയോഗിച്ച്‌ ഇനി വാട്സ്‌ആപ്പില്‍ ലോഗിൻ ചെയ്യാം; ഫീച്ചര്‍ വരുന്നു

സമീപകാലത്തായി നിരവധി ഫീച്ചറുകളാണ് മെസ്സേജിങ് ആപ്പായ വാട്സ്‌ആപ്പിലേക്ക് എത്തിക്കൊണ്ടിരിക്കുന്നത്. ആപ്പിലേക്ക് പ്രവേശിക്കുന്നതിന് മുമ്ബായുള്ള വെരിഫിക്കേഷനിലും വാട്സ്‌ആപ്പ് പുതിയൊരു അപ്ഡേറ്റ് വരുത്താൻ പോവുകയാണ്.

iOS-നുള്ള ഏറ്റവും പുതിയ വാട്സ്‌ആപ്പ് ബീറ്റ പതിപ്പില്‍, ഇമെയില്‍ ഉപയോഗിച്ച്‌ അക്കൗണ്ട് ലോഗിൻ ചെയ്യുന്നതിനുള്ള പിന്തുണയാണ് ചേര്‍ക്കാൻ പോകുന്നത്.

WABetaInfo ആണ് പുതിയ വെരിഫിക്കേഷൻ ഓപ്ഷനുമായി ബന്ധപ്പെട്ട വിവരം പുറത്തുവിട്ടിരിക്കുന്നത്. ടെസ്റ്റ്ഫ്ലൈറ്റ് ബീറ്റ പ്രോഗ്രാമിലൂടെ അടുത്തിടെ പുറത്തുവിട്ട ഐ.ഒ.എസിന് വേണ്ടിയുള്ള വാട്സ്‌ആപ്പ് ബീറ്റ 23.23.1.77 പതിപ്പിലാണ് പുതിയ ഫീച്ചര്‍ കണ്ടെത്തിയത്. ഫോണ്‍ നമ്ബറിനൊപ്പം ഇ-മെയില്‍ ഉപയോഗിച്ച്‌ ലോഗിൻ ചെയ്യാനുള്ള ഓപ്ഷനാണ് എത്തിയിരിക്കുന്നത്. ടെലഗ്രാമില്‍ നേരത്തെ തന്നെയുണ്ടായിരുന്ന ഫീച്ചറാണിത്. ആൻഡ്രോയ്ഡിലും ഐ.ഒ.എസിലും വൈകാതെ തന്നെ ഫീച്ചര്‍ അവതരിപ്പിച്ചേക്കും.

താഴെ കൊടുത്തിരിക്കുന്ന ചിത്രത്തില്‍

 കാണുന്നത് പോലെ ഇമെയില്‍ അഡ്രസ് പേജ് വളരെ ലളിതമാണ്, നിങ്ങളുടെ ഇ-മെയില്‍ എളുപ്പത്തില്‍ ചേര്‍ക്കാനുള്ള ഓപ്ഷനുമുണ്ട്. ഒരിക്കല്‍ ചെയ്തുകഴിഞ്ഞാല്‍, നിങ്ങളുടെ ഇമെയില്‍ പോസ്‌റ്റ് പരിശോധിച്ചുറപ്പിക്കേണ്ടതുണ്ട്, അതിലൂടെ നിങ്ങളുടെ വാട്സ്‌ആപ്പ് അക്കൗണ്ട് ആക്‌സസ് ചെയ്യാനും വീണ്ടെടുക്കാനും കഴിയും.

ഇത് വാട്സ്‌ആപ്പിലേക്ക് ലോഗിൻ ചെയ്യുന്നതിന് ഫോണ്‍ നമ്ബറുകള്‍ക്ക് പകരമാവുന്നില്ല എന്നത് ശ്രദ്ധിക്കേണ്ടതാണ്, കാരണം നിങ്ങളുടെ അക്കൗണ്ട് ആക്‌സസ് ചെയ്യാൻ നിങ്ങള്‍ക്ക് അവ എല്ലായ്പ്പോഴും ആവശ്യമായി വരും.

ഉപയോക്താക്കള്‍ക്ക് വേണമെങ്കില്‍ ഇ-മെയില്‍ ഓപ്ഷൻ വേണ്ടെന്ന് വെക്കാവുന്നതാണ്. എന്നാല്‍, വാട്സ്‌ആപ്പില്‍ ഇ-മെയില്‍ ചേര്‍ക്കുന്നത് യൂസര്‍മാര്‍ക്ക് ഏറെ ഉപയോഗപ്രദമായേക്കും. ഇ-മെയില്‍ സേവനം നിങ്ങള്‍ക്ക് ആറക്ക ഒ.ടി.പി വെരിഫിക്കേഷൻ കോഡ് ലഭിക്കുന്നതിന് അധിക ഓപ്ഷനായി ഉപയോഗപ്പെടുത്താം.