ജര്‍മ്മന്‍ യുവനിര യൂറോപ്യന്‍ ചാമ്ബ്യന്മാരായി. ഇന്ന് സ്ലൊവേനിയയില്‍ നടന്ന ആവേശകരമായ ഫൈനലിന് ഒടുവില്‍ പോര്‍ച്ചുഗലിനെ വീഴ്ത്തിയാണ് ജര്‍മ്മനി അണ്ടര്‍ 21 യൂറോ കിരീടം നേടിയത്.
മറുപടിയില്ലാത്ത ഒരേയൊരു ഗോളിനായിരുന്നു ജര്‍മ്മന്‍ വിജയം. ഒരു ഗോള്‍ മാത്രമെ പിറന്നുള്ളൂ എങ്കിലും ആവേശകരമായിരുന്നു ഇന്നത്തെ മത്സരം. ഇരു ടീമുകളും അറ്റാക്കിംഗ് ഫുട്ബോളാണ് ഇന്ന് കാഴ്ചവെച്ചത്.
ആദ്യ പകുതിയില്‍ രണ്ടു ടീമും ഒപ്പത്തിനൊപ്പം നിന്നു. മികച്ച രണ്ട് അവസരങ്ങള്‍ വന്നത് ജര്‍മ്മനിക്ക് ആയിരുന്നു. ഇതില്‍ ഒന്ന് പോസ്റ്റിന് തട്ടിയാണ് ഗോളാകാതെ മടങ്ങിയത്. രണ്ടാം പകുതിയില്‍ എന്നാല്‍ തുടക്കത്തില്‍ തന്നെ ഗോള്‍ നേടാന്‍ ജര്‍മ്മനിക്കായി.
48ആം മിനുട്ടില്‍ റിഡില്‍ ബകു നല്‍കിയ ത്രൂപാസ് മനോഹരമായ ഫസ്റ്റ് ടച്ചിലൂടെ നിയന്ത്രണത്തിലാക്കി ഗോളിയെ കബളിപ്പിച്ച്‌ എന്മേച വലയില്‍ എത്തിക്കുക ആയിരുന്നു. താരത്തിന്റെ ഈ ടൂര്‍ണമെന്റിലെ നാലാം ഗോളായിരുന്നു ഇത്.
ഈ ഗോളിന് മറുപടി പറയാന്‍ പോര്‍ച്ചുഗല്‍ എല്ലാ വിധത്തിലും ശ്രമിച്ചു എങ്കിലും കാര്യങ്ങള്‍ എളുപ്പമായില്ല. മൈതാന മധ്യത്ത് നിന്ന് ഒരു ഗംഭീര ഗോള്‍ ശ്രമം പോര്‍ച്ചുഗല്‍ നടത്തി എന്നാലും അത് മതിയായില്ല ജര്‍മ്മന്‍ കീപ്പറെ പരാജയപ്പെടുത്താന്‍. ആ ഒരൊറ്റ ഗോളില്‍ തന്നെ വിജയം ഉറപ്പിക്കാന്‍ ജര്‍മ്മനിക്കായി. ജര്‍മ്മനിയുടെ മൂന്നാം അണ്ടര്‍ 22 യൂറോ കിരീടമാണിത്‌. മുമ്ബ് 2009ലും 2017ലും ജര്‍മ്മനി ഈ ടൂര്‍ണമെന്റ് വിജയിച്ചിരുന്നു. പോര്‍ച്ചുഗലിന് അവരുടെ ആദ്യ അണ്ടര്‍ 21 യൂറോ കിരീടത്തിനായി ഇനിയും കാത്തിരിക്കേണ്ടി വരും.
0 Comments