കൊയിലാണ്ടി: താങ്കളുടെ എസ്.ബി.ഐ അക്കൗണ്ട് തടസപ്പെട്ടിരിക്കുന്നു, ഉടന്‍ കെ.വൈ.സി പുതുക്കുക. അടുത്ത ദിവസങ്ങളിലായി എസ്.ബി.ഐ അക്കൗണ്ടുള്ളവരുടെ ഫോണിലാണ് ഇത്തരം സന്ദേശം വന്നത്.
കെ.വൈ.സി പുതുക്കുന്നതിനുള്ള ലിങ്കും നല്‍കിയിട്ടുണ്ട്. അറിയിപ്പ് വിശ്വസിച്ച്‌ ലിങ്കില്‍ കയറിയാല്‍ അക്കൗണ്ടിലെ എല്ലാ വിവരങ്ങളും തട്ടിപ്പ് സംഘത്തിന്‍റെ വശമെത്തും. പിന്നെ ഇതുപയോഗിച്ചായിരിക്കും മറ്റ് തട്ടിപ്പുകള്‍ ആസൂത്രണം ചെയ്യുക.
അക്കൗണിലെ പണം മുഴുവന്‍ വലിച്ചെടുക്കുകയും ചെയ്യും. ബാങ്ക് ഉപഭോക്താക്കളുടെ പണം തട്ടിയെടുക്കാന്‍ പല രീതികളാണ് ഇവര്‍ സ്വീകരിക്കുന്നത്. ഒന്നു പരിക്ഷിച്ചു കഴിഞ്ഞാല്‍ മറ്റൊരു രീതിയിലായിരിക്കും അടുത്ത തട്ടിപ്പിനു കളമൊരുക്കുക.
മൊബൈല്‍ സിം സജീവമാക്കുന്നതില്‍ പോലും ഈ കവര്‍ച്ച സംഘം കടന്നു കയറിയിരുന്നു. ഫോണിലൂടെ അപരിചിതര്‍ക്ക് ബാങ്ക് അക്കൗണ്ടുമായി ബന്ധപ്പെട്ട വിവരങ്ങള്‍ ഒന്നും നല്‍കാതിരിക്കുകയാണ് തട്ടിപ്പില്‍ വീഴാതിരിക്കാന്‍ ചെയ്യേണ്ടത്. ബാങ്കുകളില്‍ നിന്ന് ഈ രീതിയിലുള്ള സന്ദേശങ്ങള്‍ നല്‍കാറുമില്ല. കെ.വൈ.സി ഫോണ്‍ വഴി പുതുക്കാറില്ല. ബാങ്കില്‍ നേരിട്ട് ഹാജരായാണ് ഇത് ചെയ്യേണ്ടതെന്ന് ബാങ്ക് അധികൃതര്‍ പറഞ്ഞു.
0 Comments