പമ്പ, ഇടമലയാര് ഡാമുകള് തുറന്നു. രാവിലെ അഞ്ചുമണിയോടെയാണ് പമ്പ ഡാമിന്റെ രണ്ട് ഷട്ടറുകള് 30 സെന്റിമീറ്റര് വീതം തുറന്നത്. പുറത്തേക്ക് ഒഴുക്കുന്ന ജലം ആറുമണിക്കൂര് കൊണ്ട് പമ്പ ത്രിവേണിയില് എത്തും. പമ്പയില് ജലവനിരപ്പ് ഉയാരാന് സാധ്യതയുള്ളതിനാല് ശബരിമലയില് മറ്റന്നാള് വരെ ഭക്തര്ക്ക് ദര്ശനാനുമതിയില്ല.
ഇടമലയാര് ഡാമിന്റെ രണ്ട് ഷട്ടറുകള് 80 സെന്റിമീറ്റര് വീതമാണ് ഇന്ന് തുറന്നത്. ആലുവ, പറവൂര് മേഖലകളെയാണ് ഏറ്റവുമധികം ബാധിക്കുക. എന്നാല് നിലവില് ആശങ്കപ്പെടേണ്ട സാഹചര്യമില്ല. എട്ടുമണിയോടെ ഇടമലയാര് ഡാമില് നിന്നുള്ള വെള്ളം ഭൂതത്താന്കെട്ടിലെത്തും.
25 ഘന അടി മുതല് പരമാവധി 50 ഘന അടി വരെ വെള്ളമാണ് പമ്പ ഡാമില് നിന്ന് പുറത്തേക്കൊഴുക്കുന്നത്. രണ്ട് ഷട്ടറുകള് ക്രമാനുഗതമായി ഉയര്ത്തുകയായിരുന്നു. കക്കി- ആനത്തോട് ഡാമിനെ അപേക്ഷിച്ച് പുറത്തേക്ക് ഒഴുക്കിവിടുന്ന ഈ വെള്ളത്തിന്റെ അളവ് വളരെ കുറവാണ്.
കക്കി-ആനത്തോട് ഡാം തുറന്നുവിട്ടപ്പോള് പമ്പയിലെ ജലനിരപ്പ് 10-15 സെന്റിമീറ്റര് മാത്രമാണ് ഉയര്ന്നത്. പമ്പ ഡാമിലെ വെള്ളമെത്തുമ്പോള് ജലനിരപ്പ് 20-25 സെന്റിമീറ്റര് വരെ ഉയരാനാണ് സാധ്യത.
സംസ്ഥാനത്ത് ബുധനാഴ്ച മുതൽ മഴ ശക്തമാകുമെന്ന മുന്നറിയിപ്പുള്ളതിനാൽ കൂടുതൽ ഡാമുകൾ തുറന്നുവിടുന്നു. രാവിലെ പതിനൊന്നിന് ഇടുക്കി ഡാം തുറക്കും. ഇടുക്കിയിൽ അൻപത് സെൻറിമീറ്റർ വീതം രണ്ട് ഷട്ടറുകളാണ് തുറക്കുന്നത്. സെക്കൻറിൽ ഒരു ലക്ഷം ലിറ്റർ വെള്ളമാണ് ഇടുക്കിയിൽ നിന്നും തുറന്ന് വിടുക. വെള്ളം ഒഴുകുന്ന പ്രദേശത്തുള്ളവർക്ക് ജാഗ്രതാ നിർദ്ദേശമുണ്ട്...
0 Comments