തിയറ്ററുകൾ ഇന്ന് തുറക്കും; ആദ്യമെത്തുക ഹോളിവുഡ് ചിത്രങ്ങൾ.

ആറുമാസത്തെ ഇടവേളക്കുശേഷം സംസ്ഥാനത്ത് തിയറ്ററുകൾ തിങ്കളാഴ്ച മുതൽ തുറക്കും. തിയറ്ററുകൾ തുറക്കുമെങ്കിലും ബുധനാഴ്ച മുതലാകും പ്രദർശനം. ബുധനാഴ്ച 'നൊ ടൈം ടു ഡൈ', വെനം 2 എന്നീ ഹോളിവുഡ് ചിത്രങ്ങളാണ് പ്രദർശനത്തിനെത്തുക.

വ്യാഴാഴ്ച ശിവകാർത്തികേയൻ നായകനാകുന്ന തമിഴ് ചിത്രം 'ഡോക്ടർ' റിലീസാകും. വെള്ളിയാഴ്ചയാണ് മലയാള ചിത്രത്തിെൻറ വരവ്.

പൃഥ്വിരാജും ജോജു ജോർജും കേന്ദ്രകഥാപാത്രങ്ങളായെത്തുന്ന സ്​റ്റാറാണ് ആദ്യമെത്തുന്ന മലയാള ചിത്രം. നവംബർ 12നാണ് ദുൽഖർ സൽമാൻ ചിത്രമായ 'കുറുപ്പ്​' റിലീസാകുന്നത്.

അതേസമയം മോഹൻലാൽ നായകനായ 'മരയ്ക്കാർ അറബിക്കടലി​ന്റെ സിംഹം' തിയറ്ററുകളിൽ എന്നെത്തിക്കണമെന്ന കാര്യത്തിൽ നിർമാതാക്കൾ അന്തിമ തീരുമാനമെടുത്തിട്ടില്ല.

മോഹൻലാലി​ന്റെ തന്നെ 'ആറാട്ട്', മമ്മൂട്ടിയുടെ 'ഭീഷ്മപർവം', 'പുഴു' എന്നിവയുടെ റിലീസിങ്​ തീയതിയും നിശ്ചയിച്ചിട്ടില്ല.

രണ്ടു ഡോസ് വാക്സിൻ സ്വീകരിച്ച 50 ശതമാനം ആളുകൾക്കായിരിക്കും തിയറ്ററിൽ പ്രവേശനമുണ്ടാകുക.