മെസ്സേജിന് ഇനി എന്തു റിയാക്ഷനും നൽകാം; മുഴുവൻ ഇമോജികളും ഉൾപ്പെടുത്തി വാട്‌സ്ആപ്പ്.

വാട്സാപ്പ് (Whatsapp) മെസെജിന് ഇനി ഇഷ്ടമുള്ള ഇമോജി കൊടുക്കാം (WhatsApp Reactions). വാട്ട്‌സ്ആപ്പ് റിയാക്ഷൻ ഫീച്ചർ പുറത്തിറങ്ങി തുടങ്ങി രണ്ട് മാസത്തിന് ശേഷമാണ് ഈ അപ്‌ഡേറ്റ് ലഭിക്കുന്നത്. ഉപയോക്താക്കൾക്ക് തുടക്കത്തിൽ ആറ് ഇമോജികൾ മാത്രമേ ഉപയോഗിക്കാൻ കഴിയുമായിരുന്നുള്ളൂ. വാട്ട്‌സ്ആപ്പിന്റെ മാതൃ കമ്പനിയായ മെറ്റയുടെ സിഇഒ മാർക്ക് സക്കർബർഗാണ് ഇക്കാര്യം ഇൻസ്റ്റാഗ്രാം പോസ്റ്റിലൂടെ പങ്കുവെച്ചത്.

നാല് വർഷത്തെ പരീക്ഷണത്തിന് ഒടുവിൽ മെയ് തുടക്കത്തിലാണ് വാട്ട്‌സ്ആപ്പ് റിയാക്ഷൻ ഫീച്ചർ ആദ്യമായി അവതരിപ്പിച്ചത്. ടെലിഗ്രാം, ഐമെസേജ്, സ്ലാക്ക്, കൂടാതെ ഇൻസ്റ്റാഗ്രാം എന്നിവയ്ക്ക് ഒപ്പം എത്തുകയായിരുന്നു വാട്സാപ്പിന്റെ ലക്ഷ്യം. റോബോട്ട് ഫെയ്‌സ്, ഫ്രഞ്ച് ഫ്രൈസ്, മാൻ സർഫിംഗ്, സൺഗ്ലാസ് സ്‌മൈലി, 100 ശതമാനം ചിഹ്നം, മുഷ്‌ടി ബമ്പ് എന്നിവയുൾപ്പെടെയുള്ള ഇമോജികൾ ഇട്ടാണ് പുതിയ അപ്ഡേഷനെ കുറിച്ച് സക്കർബർഗ് പങ്കുവെച്ചിരിക്കുന്നത്.

ഏത് ഇമോജിയും വാട്ട്‌സ്ആപ്പ് റിയാക്ഷനായി ഉപയോഗിക്കാനുള്ള സംവിധാനം കൊണ്ടുവരുമെന്ന് ഫീച്ചർ ലോഞ്ച് ചെയ്യുന്നതിന് മുമ്പുതന്നെ സൂചിപ്പിച്ചിരുന്നു. ഏതെങ്കിലും ഇമോജി റിയാക്ഷനായി ഉപയോഗിക്കാൻ മെസെജിൽ കുറെ നേരം അമർത്തിയ ശേഷം ഇമോജി പോപ്പ്-അപ്പിലെ '+' ബട്ടൺ അമർത്തിയാൽ മതി. അപ്പോൾ ഇമോജി സെലക്ടർ ഓപ്പൺ ആകും (ചുവടെ കാണുന്നത് പോലെ). അതിൽ നിന്ന് ഇഷ്ടമുള്ള ഇമോജി സെലക്ട് ചെയ്യാം. ബീറ്റാ ടെസ്റ്റർമാരുടെ റിപ്പോർട്ടുകൾ പ്രകാരം വാട്ട്‌സ്ആപ്പ് സമീപകാലത്തായി നിരവധി ഫീച്ചറുകൾ പരീക്ഷിക്കുന്നുണ്ട്. മറ്റൊരു ഹാൻഡ്‌സെറ്റിൽ നിന്ന് ലോഗിൻ ചെയ്യാൻ ഉപയോക്താക്കളെ അനുവദിക്കുന്നതിനുള്ള ഫീച്ചറും ചില കോൺടാക്റ്റുകളിൽ നിന്ന് നിങ്ങളുടെ ഓൺലൈൻ സ്റ്റാറ്റസ് മറയ്ക്കാനുള്ള സെറ്റിങ്സും മറ്റും ഇതിൽ പെടുന്നതാണ്.

ജൂണിലാണ് ഉപയോക്താക്കൾക്കായി ഗ്രാനുലാർ പ്രൈവസി കൺട്രോൾ പുറത്തിറക്കാൻ വാട്ട്‌സാപ്പ് തീരുമാനിച്ചത്. ഇതനുരിച്ച് കോൺടാക്റ്റുകളിലെ ആരൊക്കെ എബൗട്ട് സ്റ്റാറ്റസ് കണ്ടു, ലാസ്റ്റ് സീൻ, അവരുടെ പ്രൊഫൈൽ ഫോട്ടോ എന്നിവ ആരൊക്കെ കാണണം എന്നൊക്കെ തിരഞ്ഞെടുക്കാൻ കഴിയും. ആൻഡ്രോയിഡ് സ്മാർട്ട്‌ഫോണിൽ നിന്ന് ഐഫോണിലേക്ക് വാട്ട്‌സ്ആപ്പ് ഡാറ്റ എളുപ്പത്തിൽ കൈമാറാനുള്ള സംവിധാനം ഉടൻ പുറത്തിറങ്ങുമെന്ന് സക്കർബർഗ് അടുത്തിടെ പ്രഖ്യാപിച്ചിരുന്നു.

വാട്സ്ആപ്പ് മെസ്സേജുകൾക്ക് നൽകാവുന്ന ഇമോജി റിയാക്ഷൻ വിപുലീകരിച്ച് വാട്സ്ആപ്പ്. നിലവിൽ ആറ് ഇമോജികൾ മാത്രം ഉപയോഗിക്കാൻ കഴിയുന്നിടത് ഇനി മുതൽ മുഴുവൻ ഇമോജികളും ഉപയോഗിക്കാനാവും. നേരത്തെ തംബ്‌സ് അപ്പ്, ഹാർട്ട് ഇമോജി, കരച്ചിൽ നിറഞ്ഞ ചിരി, ആശ്ചര്യപ്പെട്ട മുഖം , സങ്കടത്തോടെ കരയുന്ന മുഖം, നന്ദി ഇമോജി എന്നിവ മാത്രം ഉണ്ടായിരുന്നിടത്താണ് വാട്സ്ആപ്പിൽ ലഭ്യമായ ഏത് ഇമോജിയും അയക്കാവുന്ന വിതത്തിലേക്ക് ഈ ഫീച്ചർ മാറുകയാണ്.

പുതിയ അപ്‌ഡേറ്റിന് ശേഷം, നേരത്തെയുള്ള ആറ് ഇമോജികളുടെ അടുത്തായി വാട്ട്‌സ്ആപ്പ് ഒരു ‘പ്ലസ് ചിഹ്നം’ കാണിക്കും. ഉപയോക്താക്കൾക്ക് പ്ലസ് ചിഹ്നത്തിൽ അമർത്തി അവർ ഇഷ്ടപ്പെടുന്ന ഏത് ഇമോജിയും തിരഞ്ഞെടുക്കാം. ഒരു ഇമോജിയിൽ ദീർഘനേരം അമർത്തിപ്പിടിച്ചുകൊണ്ട് നിങ്ങൾക്ക് ഏത് സന്ദേശത്തിനും മറുപടി നൽകാനാവും, വശത്ത് ഒരു ചെറിയ മെനുവിലാകും ഇമോജികൾ. ജൂലൈ 17, ലോക ഇമോജി ദിനത്തിന് മുന്നോടിയായാണ് പ്രഖ്യാപനം.

“ഇമോജികൾ മുമ്പെന്നത്തേക്കാൾ ജനപ്രിയമാണ് ഇന്ന്, വാട്ട്‌സ്ആപ്പ് റിയാക്ഷനുകളുടെ പുതിയ വിപുലീകരണം അതിന്റെ ജനപ്രീതിയെ കൂടുതൽ ഉയരങ്ങളിലേക്ക് എത്തിക്കുമെന്ന് ഉറപ്പാണ്,” ഇമോജിപീഡിയ എഡിറ്റർ ഇൻ ചീഫ് കീത്ത് ബ്രോണി ഒരു പത്രക്കുറിപ്പിൽ പറഞ്ഞു. “സാധ്യമായ 3,600-ലധികം പുതിയ ഇമോജി ഓപ്ഷനുകളും നൽകിയിട്ടുണ്ട്, വാട്ട്‌സ്ആപ്പുമായി സഹകരിക്കുന്നതിൽ ഞങ്ങൾ സന്തുഷ്ടരാണ്,” അദ്ദേഹം കൂട്ടിച്ചേർത്തു.

മെറ്റാ സിഇഒ മാർക്ക് സക്കർബർഗും തന്റെ ഫേസ്ബുക്ക്, ഇൻസ്റ്റാഗ്രാം അക്കൗണ്ടുകളിൽ

പുതിയ അപ്‌ഡേറ്റിനെക്കുറിച്ച് പോസ്റ്റ് ചെയ്തു. “വാട്ട്‌സ്ആപ്പിൽ റിയാക്ഷനായി ഏത് ഇമോജിയും ഉപയോഗിക്കാനുള്ള കഴിവ് ഞങ്ങൾ അവതരിപ്പിക്കുന്നു. എന്റെ പ്രിയപ്പെട്ടവയിൽ ചിലത്: ???‍♂️???” , അദ്ദേഹം കുറിച്ചു.

വാട്ട്‌സ്ആപ്പ് ഉപയോക്താക്കൾക്ക് ഈ അപ്‌ഡേറ്റ് എപ്പോൾ ലഭ്യമാകുമെന്ന് വ്യക്തമല്ല. നിലവിൽ, ഈ ഫെച്ചർ വന്നിട്ടില്ലെന്ന് ആണ് വ്യക്തമാവുന്നത്.

അതേസമയം, റിയാക്ഷനായി നിങ്ങൾക്ക് പരീക്ഷിക്കാവുന്ന ചില പുതിയ ഇമോജികൾ ഇവിടെ പരിചയപ്പെടാം.

✍️’ടേക്കിങ് നോട്ട്സ്’ എന്തെങ്കിലും എഴുതുകയാണെന്ന് കാണിക്കാൻ നിങ്ങൾക്ക് ഈ ഇമോജി ഉപയോഗിക്കാം. ലോങ്ങ് മെസ്സേജ് അടിക്കുന്ന ആളെ കളിയാക്കാനും വേണമെങ്കിൽ ഉപയോഗിക്കാവുന്നതാണ് .

? ആരെങ്കിലും കള്ളം പറയുമ്പോൾ സൂചിപ്പിക്കാൻ ‘ബ്ലൂ ക്യാപ്’ ഇമോജി ഉപയോഗിക്കാം. ആരെങ്കിലും നിങ്ങളുടെ സന്ദേശത്തിന് ഇത് ഇട്ടാൽ, നിങ്ങൾ ടൈപ്പ് ചെയ്‌തത് അവർ വിശ്വസിക്കുന്നില്ലെന്ന് കരുതാം.

? ഒരു ഉള്ളടക്കത്തിന് പിന്നിലെ മറഞ്ഞിരിക്കുന്ന അർത്ഥം സൂചിപ്പിക്കാനോ സംശയമോ ആശ്ചര്യമോ അറിയിക്കുന്നതിനോ ‘ഷിഫ്റ്റി ഐസ് ഇമോജി’ ഉപയോഗിക്കാം